Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն որոշմամբ, 18.05.2006թ. թիվ 912-Ն որոշման 3-րդ, 33-րդ կետերով, 29.12.2005թ. 2387-Ն որոշմամբ, «Քաղաքաշինության մասին» ՀՀ օրենքի 143 հոդվածով, հիմք ընդունելով ք. Սևան, Կարմիր բանակ փողոց թիվ 45 տան բնակիչ Գևորգ Հարությունյանի դիմումը` ք. Սևան, Կարմիր բանակ փողոց թիվ 35 շենքի հարավային հատվածում իր կողմից ինքնակամ կառուցված 36.91քմ մակերեսով տաղավարը և 10.28քմ մակերեսով աստիճանահարթակ-ծածկը օրինականացնելու մասին, ինչպես նաև հաշվի առնելով, որ տաղավարը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Hողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջաացնում հարկադիր սերվիտուտ պահանջելու իրավունք, որոշում եմ.
1. Գևորգ Հարությունյանի կողմից ք. Սևան, Կարմիր բանակ փողոց թիվ 35 շենքի հարավային հատվածում ինքնակամ կառուցված 36.91քմ մակերեսով տաղավարը / ներքին մակերեսը` 28.78քմ /, 10.28քմ մակերեսով աստիճանահարթակ-ծածկը և զբաղեցրած 47.20քմ մակերեսով հողատարածքը ճանաչել համայնքային սեփականություն, հողամասի գործառնական նշանակությունը համարել փոփոխված և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման:
2. Գևորգ Հարությունյանի կողմից ք. Սևան, Կարմիր բանակ փողոց թիվ 35 շենքի հարավային հատվածում ինքնակամ կառուցված 36.91քմ մակերեսով տաղավարը, 10.28քմ մակերեսով աստիճանահարթակ-ծածկը ճանաչել օրինական և տրամադրել ք. Սևան, Կարմիր բանակ փողոց թիվ 35 / 38 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում` համայնքային սեփականության ճանաչման և գրանցման ծախսերն իրականացվում են ինքնակամ կառույցըն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է` Գևորգ Հարությունյանին սույն որոշման ընդունման մասին իրազեկելու օրվան հաջորդող օրվանից: