Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Արամայիս Քոչարյանի դիմումը` ք. Սևան, Ս. Սևանեցի փողոց թիվ 18 / 58 հասցեում կառուցված 32.13քմ մակերեսով ավտոտնակը, 28.38քմ մակերեսով նկուղը և զբաղեցրած 32.13քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ ավտոտնակի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.

1. Ք. Սևան, Ս. Սևանեցի փողոց թիվ 18 / 58 հասցեում գտնվող, Սևան համայնքի ղեկավարի` 13.07.2017թ.-ի թիվ 363-Ա որոշմամբ օրինական և համայնքային սեփականություն ճանաչված, 21.07.2017թ. պետական գրանցում ստացած 32.13քմ մակերեսով ավտոտնակը, 28.38քմ մակերեսով նկուղը և զբաղեցրած 32.13քմ մակերեսով հողատարածքը / ավտոտնակը` 32.13x1300=41769դրամ, նկուղը` 28.38x2600=73788դրամ և հողատարածքը` 32.13x1242=39905.46 դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34 կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Գրիբոյեդովի փողոց թիվ 2 / 16 բնակարանի բնակիչ Արամայիս Քոչարյանին:
2. Քաղ. Արամայիս Քոչարյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման: