Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ․ «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հիմք ընդունելով քաղ. Անուշավան Հակոբյանի դիմումը` ք. Սևան, Նալբանդյան փողոց թիվ 28 / 30 հասցեում կառուցված 12.51քմ մակերեսով տնտեսական շինությունը, 5.33քմ մակերեսով պարիսպը, զբաղեցրած ու սպասարկման համար նախատեսված 238.0քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ շինության զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.
1. Ք. Սևան, Նալբանդյան փողոց թիվ 28 / 30 հասցեում գտնվող, Սևան համայնքի ղեկավարի` 16.12.2019թ. թիվ 914-Ա որոշմամբ օրինական և համայնքային սեփականություն ճանաչված, 15.01.2020թ. պետական գրանցում ստացած 12.51քմ մակերեսով տնտեսական շինությունը, 5.33քմ մակերեսով պարիսպը և զբաղեցրած ու սպասարկման համար նախատեսված 238.0քմ մակերեսով հողատարածքը / տնտեսական շինություն` 12.51x2600=32526դրամ, պարիսպ` 5.33x2600=13858դրամ, հողատարածք` 238.0x1242=295596դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Նալբանդյան փողոց թիվ 28 / 2 բնակարանի բնակիչ Անուշավան Հակոբյանին:
2. Քաղ. Անուշավան Հակոբյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Անուշավան Հակոբյանին սույն որոշման ընդունման մասին իրազեկելու օրվան հաջորդող օրվանից: